تسريع مشاهدة اليوتيوب بدون تقطيع وتسريع التصفح و فيس بوك سريع والتحميل ببروفايل العميل المتحدد MIKROTIK النظام الجديد 2014 لعمل فصل تصفح عن داونلودOpening speed watch YouTube in MIKROTIK

من طرف **abo_alarbe** السبت فبراير 13, 2016 7:11 am

السلام عليكم ورحمة الله وبركاته

الاعضاء الكرام

اهلا ومرحبا بكم...

موضوع اليوم غاية فى الروعة ومطلوب حيا او ميتا من كل اصحاب الشبكات

وهو المعنى الحقيقى لفتح سرعة اليوتيوب بالسرعة اللى انت عاوزها مع الاخذ فى الاعتبار ان تحميل العميل

هايبقى فقط بالبروفايل المحدد له

يعنى هانفتح اليوتيوب كمشاهدة فقط..

ميقطعش ولا يرمش ولا يبربش نص بربوشة مع العميل الطفس الرخم طبعا!!!!!!

ولو هانقول كده يبقى كل مشتركين شبكات مصر اخر طفاسة....

الفيلم يبقى مع امه على الفلاشة فى جيب ام الجاكتة بتاعته وبدل مايتفرج عليه ويحطه فى الكمبيوتر

تاخده تناحة اهله انه يشوفه على اليوتيوب...حاجة استغفر الله العظيم...ههههههههه...وربنا بيحصل

طبعا بيقوم واخد الدش السخن السليم بصابونة بورسعيد اللى ريحتها تفاح ويقعد باللباس فى قلب البيت على الكمبيوتر

ويجى يشغل وادامه كوباية الشاى بالحليب ولو بيشرب شيشة بيعمر له حجر واول مايلاقيه بيقطع

فى اللحظة دى بقى يابرنس البرانيس ياصاحب الشبكة ياعسلية السهرة بتبقى عليك؟!!!!!

بيحط التليفون على الشاحن ويشغل لك خاصية اعادة الاتصال ويقول للتليفون (هاته) تحس انه مربى كلب ابن التيت..

المهم معلش اصلى افتكرت ذكرياتى وقلبتم عليا المواجع

احنا عاوزين نترحم من الجدع ابو لباس ده ومن كلبه البوليسى اللى هيبات طول الليل يرن عليك

ونعمل له حاجة تريحه وتريحنا

انا عاطى له سرعة 256 كيلو مظبوط؟... بس عاطى له مشاهدة 80 كيلو وهو ده اللى مش هايقطع معاه ابدا

مش بس كده

انا اجدع منه وفاتح له التصفح الصور تفتح معاه بسرعة

فكرك وقفت على كده بس؟...

لالالالالالالالالا...

انا اجدع منه كذا مرة وفتحت له الفيس بوك علشان يقعد يلاغى فى المزز على انه امور الشارع والحتة اللى متتوصفش

وبالمرة يزاول اصحابه بكام اكاونت عامله لزوم الصهللة وحاطط صور بنات لابسة من غير هدوم!!!!!

يعنى من الاخر

هاشترى دماغى من اهله خالص

عاوز تعرف ازاى؟..

فى الفيديو طبعا

بس ظهرت مفاجأة للموضوع بداخل الفيديو عاوز اعرف هل هاتحصل عندكم ولا لا؟..

كفاية كده (تشويق) (متعة) (اثارة) نخش فى الموضوع علطوووووووووووول

شاهد فيديو الشرح كاملا من الالف للياء

والان تحميل الاسكريبت الخاص بالنسخة 5 للميكروتيك

[ندعوك للتسجيل في المنتدى أو التعريف بنفسك لمعاينة هذا الرابط]

تحياتى لكم

منتظر تجاربكم وتعليقاتكم والتكيد على ماورد بالفيديو