منتدي الكبير كبير
مرحبا بكم ,
زوار منتدانا الكرام نرجو ان تستمتعو باوقاتكم لدينا

ونرجو ان تقومو بالتسجيل بمنتدانا المتواضع
منتدى الكبير كبير _ابانوب منير

عمل شبكة انترنت واى فاى لاسلكية يلقط منها اللاب توب والموبايل على 5 كيلو؟!!

استعرض الموضوع السابق استعرض الموضوع التالي اذهب الى الأسفل

عمل شبكة انترنت واى فاى لاسلكية يلقط منها اللاب توب والموبايل على 5 كيلو؟!!

مُساهمة من طرف abo_alarbe في الأربعاء ديسمبر 07, 2016 7:57 pm




عاوز اعمل شبكة انترنت يلقط منها اللابتوب والموبايل يجى 5 كيلو متر كده؟!!



سؤال كل يوم بجاوب عليه 100 مرة على الفيس بوك وفى التليفون..



علشان كده قررت انى اعمله موضوع للناس كلها كتابى يفهموه..



الاستفسار بيقول ان عاوز يعمل شبكة واى فاى تغذى ويلقط منها اللاب توب والموبايل



بس مسافة كبيرة وجوه البيوت يلقط اللاب توب والموبايل ويشتغل..



طيب تعالو نوضح شوية نقط كده وهانوصل للحل سوا فى الاخر..



(1) التردد اللى بيشتغل عليه اللاب توب والموبايل اسمه تردد 2.4..



يعنى ايه يعنى 2400 يعنى ايه برضه 2.4ghz



يعنى 2400 جيجا هيرتز..



طيب شبكة المحمول بتشتغل على كام؟؟ بتشتغل على 900 جيجا هيرتز



طيب ايه الفرق برضه؟..



هاقولك انا..



شبكة المحمول علشانها 900 جيجا هيرتز بس يعنى عرض موجة رفيع جدا يخترق الحيطان



يخترق الخرسانة والحديد وكل حاجة عامل زى شعاع الليزر رفيع جدا وقوى فى الاختراق..



وبكل الجبروت بتاع النطاق ده لازم تلاقى كل 500 متر شبكة محمول صح؟..



طب شبكة المحمول دى شغالة بايه.؟..



شغالة بسيكتورات يعنى انتنا موجهة غالية جدا ومعدات كتير جدا موجودة على البرج..



طيب تعالا كده لموجات الواى فاى اللاسلكية اللى بيشوفها اللاب توب والموبايل؟..



اسمها 2.4 جيجا هيرتز يعنى موجة عريضة وطخينة وملظلظة وهلاهوتة؟!!



اه والله بتكلم بجد..



موجة عريضة اوى توصل للحيط او الخرسانة تصد وترد وتلظ؟؟؟



مش هاتقدر تعدى لا خرسانة ولا خشب حتى علشان عريضة وطخينة..



يبقى مثلا لو حاطط اكسس بوينت لاسلكى فى الصالة بتاعتكم



ودخلت الاوضة وقفلت الباب تلاحظ ضعف او انعدام الاشارة ده معناه ايه؟..



بالرغم ان شبكة المحمول اشارتها عالية وزى الفل بعد اى حيط؟!!



يبقى الفكرة الاولى عرض الموجة مش هايسمح لك تشغل اللاب والموبايل الا بشروط..



(الشرط الاول) مجال رؤية..



يعنى ابقى شايف المحطة اللاسلكية بتاعتى او الاكسس بتاعى بعينى..



يعنى تبقى وانت ماسك اللاب او الموبايل شايف اجهزتك ادامك سواء على سطح او بلكونة..



يعنى لو حيط او عمارة قفلت الاشارة انسى مش هاتشتغل؟!!



(الشرط الثانى) قوة المستقبل..



يعنى لو موبايل بيختلف قوى كارت الواى فاى بداخله..



يعنى لو جبت لاب وموبايل وجربت هاتلاقى هنا 3 شرطات وهنا شرطة واحدة..



ده بسبب قوة كارت الواى فاى فى اللاب او الموبايل



يبقى برضه بنعتمد على قوة الجهاز اللى بنستقبل به..



(الشرط التالت) تعدد الموجات.



يعنى مثلا مكان فيه 6 محطات لاسلكية وكلهم شغالين على تشانل او قناة واحدة..



ده بيسبب نويز او شوشرة عالية جدا جدا بتخلى محدش يعرف يشتغل لانه تداخل..



بالظبط زى الاف ام وانت بتسمع قران فجاة دخل عليه اغانى ولا انت سامع قران



ولا عارف تفهم الاغانى ده بالظبط اسمه تداخل القناة..



(2) التصريح الامنى والحماية 



كلنا نعرف ان شركات المحمول علشان تقدر تخترق الجداران دى بتدفع مليارات سنويا..



غير تكلفة انشاء المحطات غير العمالة اللى شغالة والتصاريح الامنية..



هل ممكن تفكر فى يوم انك بجهاز مهما كان سعره تقدر تشغل نفسك زيهم؟..



يعنى هل لو جبت جهاز عادى ب 1000 جنيه وحطيته على السطح ولا البلكونة



تقدر تغطى زيهم؟..



طب الناس هاتقول الواى ماكس..



الواى ماكس غير مصرح بيه نهائيا فى مصر هات اى محطة وشغلها



وخلال 5 دقائق من انطلاق اشارته يتم تحديده وتلاقى مديرية الامن عندك؟..



هو معقول هايضر بشركة المحمول ام مليارات علشان جهازك يشتغل ويعمل نويز عليها؟..



يبقى عمرك ماهتقدر تغطى تكاليف زى شركات المحمول اللى بتخترق الجدران



طيب ايه الخلاصة فى الكلام ده..



الخلاصة ياشباب



تقدر تشغل اللاب توب والموبيال فى مسافة لاتتعدى 100 متر بشرط توفر مجال للرؤية



يعنى شايف اجهزتك وكمان قوة الجهاز سواء لاب او موبايل..



يعنى ايه؟..مش هاعرف اعمل شبكة لاسلكى؟..



لا تقدر تعمل شبكة لاسلكى وتستقبل كمان اقصى مسافة 1000 متر يعنى كيلو الى كيلو ونص



بس هاتستقبل بجهاز اكسس بوينت سعره يتراوح من 100 الى 250 جنيه



تقدر تخلى الاكسس ده اعادة توزيع وتقوى شبكتك فى الشارع وتشغل منه اللاب والموبايل



والاكسس لازم يبقى على السطح يستقبل وينزل منه سلك للعميل..



طب ايه الاجهزة اللى اقدر اشغلها واعمل بها شبكة لاسليكة..



(1) بيكو استيشن سعره من 800 الى 900 يغطى حوالى كيلو متر



(2) بوليت وهايبر سعره من 1500 الى 1700 يغطى كيلو ونص



(3) نانو استيشن ام تو سعره من 800 الى 900 موجه بزاوية 90 درجة يغطى كيلو ونص
avatar
abo_alarbe
Admin

عدد المساهمات : 490
تاريخ التسجيل : 25/05/2011
العمر : 26
الموقع : منتدي الكبير كبير

بطاقة الشخصية
الورقة الشخصية :

معاينة صفحة البيانات الشخصي للعضو http://elbop.rigala.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى